Dağlıq Qarabağ problemi Türk Dünyasının mənəvi paytaxtı olan Türkistan

[GökBörü]

[Linkleri görebilmek için üye olun veya giriş yapın.]19-20 may 2011-ci il tarixində Ahmet Yesevi adına Beynəlxalq Türk-Qazax Universiteti və Türk Dünyası Öyrəncilər Dərnəyinin təşkilatçılığı ilə Qazaxstanın Türkistan şəhərində “19 may Türk Dünyası Gənclik görüşmələri” adlı iki günlük konfrans keçirildi. Konfransda Azərbaycan Respublikası Gənclər və İdman Nazirliyinin dəstəyi ilə Azərbaycanı Dünya Gənc Türk Yazarlar Birliyinin (DGTYB) sədri Əkbər Qoşalı və Azərbaycanlıların və digər Türk Xalqlarının Əməkdaşlıq Mərkəzi (ATXƏM) “Birlik” jurnalının baş redaktoru, DGTYB-nin Məclis sədri İlqar İlkin təmsil edirdi.
[Linkleri görebilmek için üye olun veya giriş yapın.]Konfransın açılışı olaraq Türk dünyasının ortaq dəyərləri olan Çanaqqala şəhidliyindən, Qırğızstanın Atabeyit anıt məzarlığından, Qazaxstan Ahmet Yesevi türbəsindən, Azərbaycandan Xocalı şəhidlərinin məzarından, KKTC şəhidliyindən gətirilən torpaqlar Qazaxstanda Türk Dünyasının mənəvi paytaxtı sayılan Türküstan şəhərindəki Ahmet Yesevi türbəsində bir araya gətirildi, torpaqların qoyulduğu yerdə bir xatirə abidəsinin yaradılması üçün bütün Türk Dünyasına gənclik adından müraciət olundu.
[Linkleri görebilmek için üye olun veya giriş yapın.]Konfransın ilk günündə açılış proqramında çıxış edən Yesevi Üniversiteti prorektoru prof. dr. Mahir Nakip, Qırğızıstan Gənclik və İdman nazirinin müavini Marat Abdıkerimuli, Türkiyə Hacettepe Üniversiteti prorekroru prof. dr. Selçuk Geçim, Hacettepe Üniversiteti dekanı prof. dr. Ahmet Burçin Yereli, Beynəlxalq Kıprıs Üniversiteti doç. dr. Elif Asude Tunca, DGTYB sədri Əkbər Qoşalı ve Türkistan valisi “Türk Dünyası Gənclərinin birliyi istiqamətində görüləcək işlər”lə bağlı çıxış etdilər.
[Linkleri görebilmek için üye olun veya giriş yapın.]Programın ikinci günündə Türk Dünyasının problemləri gənclər təşkilatlarının iştirakı ilə gerçəkləşən oturumda geniş müzakirə olundu. Oturumda çıxış edən DGTYB-nin Məclis sədri, “Birlik” jurnalının baş redaktoru İlqar İlkin Türk dünyasının ən böyük problemlərdən olan Dağlıq Qarabağ problemi ilə bağlı geniş məruzə edərək, Türk dünyası olaraq əsasən uydurma “erməni soyqırı”mı yalanlarına qarşı birliyin sağlanması, Xocalı soyqırımının dünyada tanıdılması, ermənilərin Azərbaycanın işğal altında saxladığı torpaqlardan geri çəkilməyənə qədər Türk Cümhuriyyətlərinin Ermənistanla siyasi-iqtisadi əlaqələrinə yenidən baxılmasını vacib saydı. Daha sonra İ.İlkin konfransın yekun qətnaməsində Dağlıq Qarabağ probleminin gündəmdə saxlanması üçün Orta Asiya ölkələrində müxtəlif tədbirlərin və konfransların keçirilməsi təklifi ilə çıxış etdi. Təklif Konfransın yekun qətnaməsində 8-ci bənd olaraq diqqətə alındı və Türkiyə Cumhuriyəti Ulusal Öğrenci Konseyi tərəfindən 2011-ci ildə Dağlıq Qarabağ probleminə həsr olunmuş geniş bir proqramın hazırlanması qərara alındı.


ATXƏM-in Mətbuat xidməti
[Linkleri görebilmek için üye olun veya giriş yapın.]